Reseı Roblox oıynyn buǵattan shyǵardy
ASTANA.KAZINFORM - Oıyn platformasy alty aılyq shekteýden keıin buǵattan shyǵaryldy.
Reseılik «Qaýipsiz ınternet lıgasy» kommertsııalyq emes uıymynyń dırektory Ekaterına Mızýlına bul týraly óziniń Telegram arnasynda habarlady.
TASS agenttiginiń habarlaýynsha, Reseıdiń Tsıfrlyq damý mınıstrligi bul aqparatty rastap, platforma «balalardy odan ári qorǵaý úshin birqatar sharalardy», sonyń ishinde jas toptary boıynsha oıyndarǵa qol jetkizýdi shekteý mehanızmin engizgenin atap ótti.
-Roblox paıdalanýshylardyń qaýipsizdigin qamtamasyz etý úshin Reseı zańnamasyn tolyqtaı saqtady. Onlaın oıyn qyzmeti búkil Reseı boıynsha qaıtadan qoljetimdi. Roblox sonymen qatar platformada orynsyz kontent taratýmen kúresýge ýáde berdi,-dep málimdedi mınıstrlik.
Aıta keteıik, Roskomnadzor balalar arasyndaǵy tanymal qyzmet arqyly «ekstremıstik materıaldar men LGBT nasıhatyn» taratqany úshin Roblox onlaın oıyn platformasyn buǵattaǵan bolatyn.
Roblox buǵan deıin balalar men jasóspirimderge arnalǵan qorǵalǵan akkaýnttar engizgenin jarııalaǵan bolatyn.
