Reseı «Proton-M» apatynan kelgen zalaldy áli kúnge ótegen joq
«Biz zalal somasyn eseptedik. Endigi másele «Roskosmostyń» qolynda. Biz atalǵan zalaldy óteý boıynsha «Roskosmospen» turaqty kelissózder júrgizýdemiz», - dedi ol.
Eske sala keteıik, byltyr 2 shilde kúni «Baıqońyr» ǵarysh aılaǵynda №81 alańqaıdan úsh «Glonass» serigi bar «Proton-M» zymyran-tasyǵyshyn ushyrý kezinde apat oryn aldy. Zymyran jerge quldılap, jaryldy. Osydan keıin Qazaqstan tarapy zymyrannyń apatqa ushyraýynan kelgen zalaldyń kólemin 90 mln. dollarǵa baǵalaǵan edi. Bul shyǵyn Reseı tarapynan áli kúnge deıin ótelgen joq. Oǵan Úkimet basshysynyń birinshi orynbasary Baqytjan Saǵyntaev ta alańdaýshylyq tanytyp, QR Ulttyq ǵarysh agenttiginiń keńeıtilgen alqa májilisinde Baıqońyr aýmaǵynda Qazaqstannyń Ekologııalyq kodeksiniń is-qımylyn taratý men shyǵynnyń ornyn toltyrý boıynsha máselelerdiń sheshimi osyǵan deıin sozylyp kele jatqandyǵyna qynjylys bildirgen edi.
