Reseı prodıýserleri Internetti "jarǵan" «qazaqstandyq zekti» izdestirýde
ASTANA. 20 sáýir. QazAqparat - Reseı prodıýserleri men telekompanııalary gıtarynyń sazymen «Qazaq zegi jalyn shashýda» taqyrybyndaǵy rolık túsirgen jáne onysyn youtube.com saıtyna ornalastyryp, mıllıonnan astam paıdalanýshynyń nazaryn
aýdarǵan qurylysshy Muratbaı Netýllaevty izdestirýde, dep jazady «Ekspress K» gazeti.
«Máseleniń mánisine úńilsek, daryndy oryndaýshy gıtaramen án aıtýdyń birigeı úlgisin meńgergen jáne daýsy da keremet naqyshty. Qazaqstannyń qarapaıym qurylysshysynyń birneshe júzdegen myń jankúıeri men tabynýshysy bar eken. Ol buǵan uıaly telefony arqyly túsirilgen beıneklıpi arqyly qol jetkizip otyr. Netýllaev oryndaǵan halyq áni «Jylama, mahabbat» beınerolıgi men Modern Talking tobynyń «You My Heart» áni Álemdik ǵalamtorda áp-sátte hıtke aınalyp shyǵa keldi», - dep jazady basylym.
Belgili bolǵandaı, Muratbaı Netýllaev Qaraqalpaqstanan kelgen oralman eken. Ol Almatynyń «Altyn Orda» bazarynda jumys jasapty. Onyń otbasy Mańǵystaý oblysynyń Beıneý aýdanynda turady.
