Reseı prezıdentiniń baspasóz hatshysy Dmıtrıı Peskov koronavırýs juqtyrdy
MÁSKEÝ. TASS-QazAqparat – Reseı prezıdentiniń baspasóz hatshysy Dmıtrıı Peskov koronavırýs juqtyryp, em alyp jatqanyn rastady, dep habarlaıdy QazAqparat TASS agenttigine silteme jasap.
Ol «Shynymen koronavırýs juqtyrdyńyz ba?» degen suraqqa: «Iá, syrqattanyp qaldym. Emdelip jatyrmyn» dep jaýap berdi.
Buǵan deıin «Nezygar» Telegram-arnasy prezıdenttiń baspasóz hatshysynyń koronavırýs juqtyrýy múmkin ekenin habarlaǵan.
Aıta ketsek, Reseı premer-mınıstri Mıhaıl Mıshýstın, Qurylys jáne turǵyn úı-kommýnaldyq sharýashylyq mınıstrliginiń basshysy Vladımır ıAkýshev jáne Mádenıet mınıstri Olga Lıýbımovadan koronavırýs anyqtalǵan.
Mıshýstın 30 sáýirden beri medıtsınalyq mekemede dárigerlerdiń baqylaýynda jatyr, dárigerler onyń jaǵdaıy qalypty ekenin aıtty.
