Reseı prezıdentin ulyqtaý saltanatyn reseılik alty telearna tikeleı efırde kórsetedi
ASTANA. 6 mamyr. QazAqparat - Vladımır Pýtınniń Reseı prezıdenti qyzmetine kirisýiniń saltanatty ulyqtaý sátin 7 mamyrda kórermender reseılik alty telearnadan tamashalaı alady, dep habarlady ITAR-TASS.
Memleket basshysynyń tikeleı efırdegi ulyqtaýyn dástúrli kórsetip júrgen «Birinshi arna», «Reseı-1» jáne «TV-Tsentr» arnalarymen qatar bul joly «Reseı-24», NTV jáne «Besinshi arna» usynatyn bolady.
«Birinshi arnada» máskeý ýaqytymen 09:45-te arnaıy aqparattyq marafon ótedi. Bul jobanyń aýqymnda Kreml qabyrǵasy janyndaǵy saltanatqa ázirlik, al 11:30-da kameralar onyń ishki bólmelerine aýysady, dep túsindirdi telearnanyń baspasóz qzmeti.
Sondaı-aq 7 mamyr kúni 21:20-da NTV arnasynan nemis jýrnalısiniń «Men, Pýtın. Portret» atty fılmi usynylady.
