Reseı Prezıdenti Vladımır Pýtın Astanaǵa keldi

ASTANA. QazAqparat – Reseı Federatsııasynyń Prezıdenti Vladımır Pýtın birqatar halyqaralyq is-sharaǵa qatysý úshin Astana qalasyna keldi, dep habarlaıdy QazAqparat QR Úkimetiniń baspasóz qyzmetine silteme jasap.

Reseı prezıdentin elorda áýejaıynda QR Premer-Mınıstri Álıhan Smaıylov qarsy aldy.

Vladımır Pýtın Azııadaǵy ózara is-qımyl jáne senim sharalary jónindegi keńestiń VI sammıtine qatysady. 11 memleket basshysy bas qosatyn sammıt AÓSShK qurý týraly bastamanyń 30 jyldyǵyna oraılastyrylǵan.

Sonymen qatar, RF Prezıdenti TMD memleketteri basshylary keńesiniń otyrysyna jáne «Ortalyq Azııa – Reseı» sammıtine qatysady dep kútilip otyr.

Foto: t.me/KZgovernment