Reseı prezıdenti Tájikstanǵa resmı saparmen keledi

Kremldiń baspasóz qyzmetiniń habarlaýynsha, sapar Tájikstan prezıdenti Emomalı Rahmonnyń shaqyrýymen júzege asyrylýda. «Eki memlekettiń kóshbasshylary halyqaralyq jáne aımaqtyq ózekter problemalar, atap aıtqanda, ortalyqazııalyq aımaqtaǵy jáne Aýǵanstandaǵy jaǵdaı boıynsha pikir alysady, aımaqtyq yqpaldastyq birlestikter (TMD, UQShU, ShYU, EýrAzEQ) aýqymyndaǵy eki eldiń ózara is-qımyly máseleleri qozǵalady

«Kelissózder barysynda saýda-ekonomıkalyq ózara is-qımyldy óristetý perspektıvalaryna basa nazar aýdarý josparlanýda. Sondaı-aq kelissózder barysynda gýmanıtarlyq problemalarǵa, sonyń ishinde bilim berý jáne mádenıet salalaryndaǵy ózara is-qımyldy tereńdetý, Tájikstandaǵy reseılik joǵary oqý oryndary fılıaldarynyń qyzmeti máselelerine edáýir oryn beriledi. Dýshanbe qalasynda Reseı mádenı-aqparattyq ortalyǵyn ashý rásimin ótkizý josparlanǵan», - delingen habarlamada.

Reseı-tájik kelissózderiniń qorytyndylary boıynsha birqatar qujattarǵa qol qoıylmaq.