Reseı prezıdenti saılaýynyń aldyn ala nátıjeleri belgili boldy
ASTANA. QazAqparat - Reseı Federatsııasynyń is basyndaǵy prezıdenti Vladımır Pýtın saılaýdyń birinshi kezeńinde 73,9% daýys jınap, jeńiske jetti. Saılaýda daýys berip shyǵyp kele jatqan saılaýshylar arasynda saýalnama júrgizgen Búkilreseılik qoǵam pikirin zertteý ortalyǵynyń (BQPZO) ókilderi búgin osyndaı málimetterdi jarııa etti, dep habarlaıdy TASS.
«BQPZO ekzıtpolynyń nətıjesi boıynsha, birinshi kezeńde Reseı Federatsııasynyń prezıdenti laýazymyna Vladımır Pýtın (73,9% daýys) saılanǵan»,-delingen agenttik málimetterinde.
2012 jyly ótken saılaýda Pýtın saılaýshylaryń 63,60% daýsyn jınaǵan.
Saýalnama málimetteri boıynsha, ekinshi orynda KPRF atynan saılaýǵa túsken kandıdat-bıznesmen Pavel Grýdının (11,2%) tur. Úshinshi orynda LDPR kóshbasshysy Vladımır Jırınovskıı (6,7%) ornalasqan.
«Odan keıingi kandıdattardyń jınaǵan daýystary shaǵyn: Ksenııa Sobchak - 2,5%, Grıgorıı ıAvlınskıı - 1,6%, Borıs Tıtov - 1,1%, Sergeı Babýrın - 1,0%, Maksım Sýraıkın - 0,8%», -delingen BQPZO taratqan aqparatta.
Sanaýǵa jatpaıtyn bıýlletenderdiń sany 1,2% ekeni aıtylady.
Saýalnamaǵa barlyǵy 162 myń 601 adam qamtylǵan. Qoıylǵan saýaldarǵa respondentterdiń 62,8% jaýap bergen, 37,2%-i jaýap berýden bas tartqan.
