Reseı prezıdenti mamyr aıynda Nur-Sultanǵa keledi

MÁSKEÝ. QazAqparat - Qazaqstan men Reseı prezıdentteriniń resmı kezdesýiniń qorytyndysy boıynsha jýrnalıstermen baspasóz máslıhatyn ótkizgen Vladımır Pýtın Joǵary Eýrazııalyq ekonomıkalyq qaýymdastyǵynyń májilisine qatysatynyn aıtty.

Atalmysh shara 29 mamyrda Nur-Sultanda ótedi, dep habarlaıdy «QazAqparat» HAA-niń menshikti tilshisi.

«Qazaqstan Prezıdenti Toqaevpen biz jýyrda taǵy kezdesemiz. 29 mamyrda Nur-Sultanda Joǵary Eýrazııalyq ekonomıkalyq qaýymdastyǵynyń májilisi ótedi. Bul jıyn osy uıymnyń 5 jyldyǵyna qaraı uıymdastyrylǵaly otyr»,-dedi V. Pýtın.

Reseı basshysy sondaı-aq sózinde 5 jyldyq merekege baılanysty ótkizilgeli otyrǵan jıynnyń EýrAzEQ-ti bekitý týraly kelisimge qol qoıylǵan Qazaqstan astanasynda uıymdastyrylýy jaqsylyqtyń nyshany ekenin atap ótti.

«Osylaısha, biz Odaqty qurýǵa usynys jasap, eýrazııalyq yqpaldastyq jobasynyń negizin qalaýda mańyzdy ról atqarǵan Nursultan Ábishuly Nazarbaevtyń eńbegine nazar aýdarǵymyz keledi»-dedi Reseı prezıdenti.