Reseı prezıdenti karantınge jatatynyn aıtty

MÁSKEÝ. TASS-QazAqparat – Reseı prezıdenti Vladımır Pýtın Tájikstan prezıdenti Emomalı Rahmonovpen áńgime barysynda óziniń aınalasynda kornavırýspen aýyrǵandardyń kóbeıýine baılanysty ózin-ózi oqshaýlaýǵa kóshýge májbúr ekenin aıtty. Bul týraly Kremldiń baspasóz qyzmeti málim etti, dep habarlaıdy QazAqparat TASS agenttigine silteme jasap.

«Vladımır Pýtın aınalasynda anyqtalǵan koronavırýs jaǵdaılaryna baılanysty belgili bir ýaqyt aralyǵynda ózin-ózi oqshaýlaý rejımin saqtaý kerek ekenin habarlady», - delingen habarlamada.
Osyny eskere otyryp, Reseı Prezıdenti osy aptada Dýshanbedegi UQShU Ujymdyq qaýipsizdik keńesiniń josparlanǵan sessııasyna, Shanhaı yntymaqtastyq uıymyna múshe memleketter Basshylary keńesiniń otyrysyna jáne UQShU men ShYU-ǵa múshe memleketter basshylarynyń birlesken otyrysyna vıdokonferentsııa rejıminde qatysady, dep habarlady Kremldiń baspasóz qyzmeti.