Reseı Prezıdenti Dmıtrıı Medvedevti jańa qyzmetke taǵaıyndady
MÁSKEÝ. TASS - QazAqparat – Reseı Prezıdenti Vladımır Pýtıntiń Jarlyǵymen Dmıtrıı Medvedev RF Qaýipsizdik keńesi tóraǵasynyń orynbasary qyzmetine taǵaıyndaldy. Bul týraly QazAqparat TASS-qa silteme jasap habarlaıdy.
Eske salsaq, keshe Vladımır Pýtın RF Qaýipsizdik keńesi tóraǵasynyń orynbasary jańa laýazymyn engizip, oǵan Mınıstrler kabınetiniń burynǵy basshysy Dmıtrıı Medvedevti taǵaıyndaýdy usynǵan edi.
Aıta ketsek, keshe V.Pýtın RF Federaldy jınalysynyń aldynda joldaýyn jarııalap, onda aldaǵy kezeńdegi jumystardyń basymdyqtaryn aıqyndady. Sondaı-aq el Konstıtýtsııasyna ózgerister engizýdi usyndy. Keıin el Úkimeti tolyq quramda otstavkaǵa ketetini málim boldy.