Reseı Prezıdenti Ázirbaıjanda resmı saparmen boldy

Ázirbaıjan Prezıdenti Ilham Álıev pen Reseı Prezıdenti Vladımır Pýtınniń keńeıtilgen quramda delegatsııalardyń qatysýymen kezdesýinen keıin ázirbaıjan-reseı sharttaryna qol qoıý rásimi boldy.

Reseı men Ázirbaıjan munaı men gazdy barlaý jáne óndirýde, áskerı-tehnıkalyq yntymaqtastyqta ózara is-qımyldy keńeıtedi, eki eldiń shekarasynda Samýr ózeni arqyly kópir salady - RF Prezıdenti V.Pýtınniń Bakýge jumys saparynyń qorytyndylary osyndaı.

Taraptar Ázirbaıjan Respýblıkasynyń Memlekettik munaı kompanııasy men «Rosneft» munaı kompanııasy» ashyq aktsıonerlik qoǵamy arasynda yntymaqtastyq týraly jáne munaı jetkizýdiń negizgi sharttary týraly kelisimge qol qoıdy.

Sonymen birge, Ázirbaıjan Respýblıkasy tótenshe jaǵdaılar mınıstrligi men Reseı Federatsııasynyń azamattyq qorǵanys, tótenshe jaǵdaılar jáne stıhııalyq apattar saldaryn joıý mınıstrligi arasynda 2013-2015 jyldarǵa arnalǵan yntymaqtastyqtyń keshendi josparyna, Ázirbaıjan Respýblıkasy úkimeti men Reseı Federatsııasy úkimeti arasyndaǵy avıatsııalyq izdeý, «Samýr» (Ázirbaıjan Respýblıkasy) - «ıArag-Kazmalıar» (Reseı Federatsııasy) ótkizý beketi mańynda Samýr ózeni arqyly avtomobıl kópiri qurylysy týraly kelisimge jáne ÁR men RF arasynda gýmanıtarlyq saladaǵy 2015 jylǵa deıingi yntymaqtastyq baǵdarlamasyna qol qoıyldy.