Reseı prezıdenti jańartylǵan ıadrolyq tejeý doktrınasyn bekitti
ASTANA. KAZINFORM – Reseı Federatsııasynyń prezıdenti Vladımır Pýtın ıadrolyq tejeý salasyndaǵy memlekettik saıasatty bekitý týraly jarlyqty bekitti.
Atalǵan jarlyqtyń negizgi mazmuny «Quqyqtyq aktilerdiń resmı jarııalanymynda» shyqty.
Jarlyqta Reseı Federatsııasy ózine jáne Belarýs Respýblıkasyna qarsy syrttan agressııa jasalsa jáne ol agressııa qalypty qarý qoldaný arqyly jasalǵan kúnniń ózinde egemendik pen aýmaqtyq tutastyqqa qaýip tóndiretin bolsa, ıadrolyq qarý qoldanatyny kórsetilgen.
Sondaı-aq, ıadrolyq qarýdy qoldaný týraly sheshimdi Reseı Federatsııasynyń prezıdenti qabyldaıtyny naqtylanǵan. Ol bul sheshimi týraly qajet bolǵan jaǵdaıda ózge elderdiń áskerı-saıası basshylyǵyna, halyqaralyq uıymdardyń basshylyǵyna habarlaı alatyny aıtylǵan.
Osyǵan deıin álemniń 190 eliniń ókilderi ıAdrolyq qarýdy taratpaý týraly shartty kezekti ret pysyqtaǵany týraly jazdyq.
