Reseı Prezıdenti kelesi jyly JI boıynsha joǵary deńgeıdegi kezdesý ótkizýdi usyndy
ASTANA. KAZINFORM — «Kompıýterlik sana» ártúrli salalarda birte-birte adamnyń ornyn basyp jatyr. Ózgeristerge daıyn bolyp, olardy el ekonomıkasynyń damýyna qoldanǵan abzal. Bul jóninde V Eýrazııa ekonomıkalyq forýmynda Reseı Prezıdenti Vladımır Pýtın málimdedi.
— Aldaǵy ýaqytta eńbek naryǵyn qaıta qurýǵa týra kelýi ábden múmkin. Sebebi, mıllıondaǵan adam jumysynan aırylyp, mamandyǵyn aýystyrýǵa májbúr bolýy yqtımal. Kompıýterlik sana kóptegen mamandyqty yǵystyrýy múmkin. Óıtkeni, qujattamany daıyndaý jáne taldaý, sondaı-aq, basqa da úderister avtomattandyrylyp jatyr. JI qazirdiń ózinde tómengi shendegi qyzmetkerlerdiń ornyn basa bastady. Kóp uzamaı, orta shendegi mamandardy almastyrýy da ǵajap emes. Mundaı jaıttardan qashyp qutyla almaımyz. Aldaǵy ózgeristerge daıyn bolý kerek. Olardy ekonomıkany jedel órkendetýdiń quraly retinde paıdalanǵan jón, — dedi ol.
Sonymen birge, Vladımır Pýtın 2027 jyly Reseıde JI boıynsha joǵary deńgeıdegi kezdesý ótkizýdi usyndy. Onda ózara baılanysty ınfraqurylym qalyptastyrýdy talqylaýǵa shaqyrdy.
Aıta keteıik, buǵan deıin Belarýs Prezıdenti JI qandaı salalarda qoldanylatynyn málimdegenin jazǵanbyz.
