Reseı prezıdenti Qasym-Jomart Toqaevpen dostyǵy týraly aıtty

Vladımır Pýtın «Kazpravda» gazetine bergen suhbatynda Prezıdent Qasym-Jomart Toqaevpen dostyǵy týraly aıtyp berdi, dep habarlaıdy Kazinform. 

«Qasym-Jomart Kemelulymen birden shynaıy dostyq qalyptasty. Buǵan deıin de jaqyn qarym-qatynasymyz týraly birneshe ret aıtyldy. Bul tańǵalarlyq jaǵdaı emes. Biz bir urpaqtyń adamdarymyz jáne óz memleketterimiz úshin barlyq jaýapkershilikti birdeı sezinemiz. Biz elderimizdiń senimdi damýy men órkendeýi úshin, azamattarymyzdyń ómir súrý sapasyn arttyrý úshin, qolaıly ortany qamtamasyz etý úshin qoldan kelgenniń bárin jasaımyz», - dedi Vladımır Pýtın «Kazpravda» gazetine bergen suhbatynda. 

Odan bólek, Reseı basshysy Memleket basshysymen telefon arqyly jıi sóılesetinin aıtty. 

«Eń bastysy - eki halyq árqashan bir-birimen tatý kórshi, adal dos bolǵan jáne solaı bolyp qala beredi. Senimniń, ózara túsinistiktiń jáne kópqyrly tabysty yntymaqtastyqtyń baǵa jetpes dástúrlerin nyǵaıta otyryp, biz basqalarǵa úlgi bolatyn memleketaralyq qarym-qatynastyń ozyq modelin tabysty iske asyratynymyzǵa senimdimin. Sondyqtan álemde qandaı jaǵdaı bolmasyn, odaqtastyq qatynastarymyz ben ıntegratsııalyq áriptestigimizdiń bolashaǵyna senimmen qaraımyn», - dedi Reseı prezıdenti.