Reseı Premer-Mınıstri Baıqońyrdaǵy apat úshin «Roskosmos» basshysyna sógis jarııalady
ASTANA. 2 tamyz. QazAqparat - Reseı Premer-Mınıstri Dmıtrıı Medvedev «Roskosmos» basshysy Vladımır Popovkınge mindetin laıyqty deńgeıde atqarmaǵany úshin sógis jarııalady. Bul týraly reseılik úkimettiń baspasóz qyzmetinen habarlandy, dep jazady VVS.
Ol «Roskosmosty» 2011 jyldyń sáýirinen beri basqaryp keledi.
V. Popovkınniń bul qyzmettegi jumysy barysynda jáne onyń aldyndaǵy basshylyqtyń kezinde de reseılik ǵarysh salasynda birqatar iri apattar oryn aldy.
Sońǵy rezonansty apat bıylǵy 2 shildede bolǵan edi.
Eske salsaq, DM-03 údetkish blogy jáne «Glonass-M» úsh reseılik navıgatsııalyq ǵarysh apparaty bar «Proton-M» zymyran-tasyǵyshy 2 shilde kúni jergilikti ýaqyt boıynsha saǵat 08.38-de «Baıqońyr» ǵarysh aılaǵynyń №81 alańynan ushyrylymy josparlanǵan bolatyn. «Proton-M» zymyran-tasyǵyshy ushyrylymnyń 10-sekýndynda jerge qulap, jaryldy. Apat ushyrý alańynan 2-3 shaqyrym jerde oryn aldy.
