Reseı Pentagonǵa zymyran synaǵy týraly eskertken

ASTANA. KAZINFORM – Máskeý urys jaǵdaıynda ortasha qashyqtyqqa baǵyttalatyn ballıstıkalyq zymyrandy ushyratyny týraly Pentagonǵa eskerken, dep habarlaıdy Kazinform menshikti tilshisi AQSh Qorǵanys mınıstrligine silteme jasap. 

«Reseı shyn máninde ortasha qashyqtyqtaǵy ballıstıkalyq zymyrandy synaq retinde ushyrǵanyn rastaı alamyn. Ol reseılik RS-26 «Rýbej» qurlyqaralyq ballıstıkalyq zymyran úlgisine negizdelgen. Qurama Shtattar ıadrolyq qaýip-qaterdi azaıtý arnalary arqyly ushyrylym aldynda qysqasha habardar etildi», - dedi Pentagon baspasóz hatshysynyń orynbasary Sabrına Sıngh.

Pentagon ókiliniń málimdemesi boıynsha, zymyran kádimgi oqtumsyqpen ushqan, biraq ol ıadrolyq oqtumsyqtardy paıdalanýǵa da qoldanyla alady. 

Sabrına Sınghtiń aıtýynsha, AQSh Qorǵanys mınıstrligi bul zymyrandy «eksperımentaldy» dep sıpattady, óıtkeni mundaı qarý Ýkraınadaǵy urys dalasynda alǵash ret qoldanylyp otyr jáne bul AQSh-tyń alańdaýshylyǵyn týdyrdy.

Shıelenis kúsheıgenine qaramastan, AQSh Qorǵanys mınıstrligi osy aptada Ýkraınaǵa jaıaý áskerge qarsy mınalar beretinin rastady.

Buǵan deıin habarlanǵandaı, Reseı urys jaǵdaıynda ballıstıkalyq zymyrandy synaqtan ótkizdi.