«Reseı patrıottaryna» qarsy aıqasatyn «Astana arlandarynyń» quramy belgili boldy
ASTANA. QazAqparat - Búgin «Reseı patrıottaryna» qarsy aıqasatyn «Astana arlandarynyń» quramy belgili boldy, dep habarlaıdy QazAqparat tilshisi.
Búkilálemdik boks serııasynyń (WSB) jobasynyń jetinshi maýsymyndaǵy toptyq kezeńiniń tórtinshi týry 18 naýryz kúni Taraz qalasynda ótedi. Búgin eki komanda arasyndaǵy jekpe-jekke shyǵatyn boksshylardyń aty-jóni belgili boldy.
«Astana arlandary» men «Reseı patrıottary» arasyndaǵy kezdesýge qatysatyn boksshylardyń tizimi:
52 keli:
Oljas Sáttibaev - Vıacheslav Tashkarakov
60 keli:
Zákir Safıýllın - Artýr Sýbhankýlov
69 keli:
Aslanbek Shymbergenov - Shahabas Mahmýdov
81 keli:
Arman Rysbek - Pavel Sılıagın
91 keliden joǵary salmaqta:
Oljas Buqaev - Magomed Omarov
Eske salaıyq, bul eki komanda arasyndaǵy Máskeýde ótken kezdesý 3:2 esebimen «arlandardyń» paıdasyna aıaqtalǵan bolatyn. Eger bul kezdesýde de elordalyq ujym jeńiske jetse, pleı-off kezeńine joldama alady.
