Reseı patrıarhy Kırıll «Altyn Qyran» ordenimen marapattaldy

ASTANA. KAZINFORM — Reseı patrıarhy eki el arasyndaǵy rýhanı baılanystardy nyǵaıtýǵa qosqan úlesi úshin marapatqa ıe boldy. Bul týraly Aqordanyń baspasóz qyzmeti habarlaıdy.

Memleket basshysy Álemdik jáne dástúrli dinder kóshbasshylarynyń VIII sezine qatysý úshin Astanaǵa kelgen Máskeý jáne búkil Reseı patrıarhy Kırıllmen kezdesti.

— Kezdesýden keıin Qasym-Jomart Toqaev eki el arasyndaǵy rýhanı baılanystardy nyǵaıtýǵa qosqan úlesi úshin ári aıryqsha qurmet belgisi retinde Máskeý jáne búkil Reseı patrıarhy Kırılldi «Altyn Qyran» ordenimen marapattady, — delingen habarlamada.

Aıta keteıik, búgin elordadaǵy Táýelsizdik saraıynda Prezıdent Qasym-Jomart Toqaevtyń qatysýymen Álemdik jáne dástúrli dinder kóshbasshylary VIII Seziniń jumysy bastaldy.

Shara barysynda Qasym-Jomart Toqaev din basshylaryn beıbitshilik elshileri dep atady.