Reseı parlamenti jeke kólikti tehnıkalyq baıqaýdan ótkizýdi alyp tastady

MÁSKEÝ. TASS-QazAqparat – Azamattarǵa tıesili jáne olardyń jeke qajettilikteri úshin paıdalanylatyn jeńil avtokólik jáne mototsıklderdi atalǵan tehnıkalyq baıqaýdan ótkizý budan bylaı mindettelmeıdi, dep habarlaıdy QazAqparat TASS agenttigine silteme jasap.

Reseıdiń Memlekettik Dýmasy sársenbi kúngi otyrysta jeke maqsatta paıdalanylatyn avtokólikti tehnıkalyq baıqaýdan mindetti ótkizýdi alyp tastaý týraly zań jobasyn úshinshi oqylymda qabyldady.

Alaıda tehnıkalyq baıqaý taksı jáne jolaýshylardy tasymaldaý úshin paıdalanylatyn ózge de kólik túrleri, sonymen qatar qyzmettik maqsatta paıdalanylatyn jeke avtokólik úshin mindetteledi.

Dýma spıkeri Vıacheslav Volodın «protsedýranyń tórt jyldan joǵary avtokólik jáne mototsıklderdi satý men tirkeý kezinde mindetti bolyp qalatynyn» naqtylady.

Júrgizýshiniń dıagnoz kartasy bola tura, jol ıspektory qyzmetkeri kóliktiń kózge kórinetin tehnıkalyq aqaýyn baıqaǵan jaǵdaıda, ony tehnıkalyq baıqaýdan ótkizýdi suraýy múmkin. Jeke kólik ıeleriniń dıagnoz kartasy bolmasa, olarǵa aıyppul salynbaıdy. Volodınniń aıtýynsha, zań 50 myń kólik quralyn qamtyp, kóp júrgizýshiniń ómirin jeńildetedi.