Reseı Palmırany qalpyna keltirýmen aınalysady
ASTANA. QazAqparat - Reseı ıÝNESKO-nyń halyqaralyq naýqany aıasynda «Islam memleketi» ekstremıstik uıymy sodyrlarynan azat etilgen Palmıranyń (Sırııa) ejelgi eskertkishterin qalpyna keltirýmen aınalysady, dep málimdedi Memlekettik Ermıtajdyń dırektory Mıhaıl Pıotrovskıı. Bul týraly Bı-bı-sı habarlady.
«Sodyrlar Palmırany basyp alyp, álemdik mańyzdaǵy jádigerlikterdi qırata bastaǵanda biz, buǵan ne amal isteýge bolady, dep qatty oılandyq», dep áńgimeledi M.Pıotrovskıı.
«Álemniń barlyq mýzeı qyzmetkerleri Palmıra týraly materıaldardy jınaý jóninde úlken naýqan ashty, ony azat etkennen keıin halyqaralyq naýqan ony jańǵyrtyp, qalpyna keltirýge ázirlendi», - dep atap ótti Ermıtaj dırektory.
Pıotrovskııdiń aıtýynsha, qazir, eń bastysy, eskertkishterdi mınadan tazartý aıaqtalǵannan keıin, qandaı eskertkishter saqtaldy, qaısysynyń qırandylary qa ıda jatyr ekenin anyqtaıtyn karta jasalady.
Pıotrosvskıı qaıta túlegen Palmıra ejelgi mádenıet eskertkishi bolýymen qatar, qazirgi alapat oqıǵa týraly estelikti de saqtap, keıingi urpaqtarǵa jetkizýi tıis, dep sanaıdy.
«Biz mýzeıdiń burynǵy dırektory, zamanymyzdyń uly batyryn umytpaýymyz qajet, ol sodyrlardyń eskertkishterdi tasyp áketýine qarsylyq bildirgeni úshin óltirildi. Biz Palmıra úshin qan tókken sarbazdardy da este saqtaýǵa tıispiz», - dedi ol.
