Reseı ózge eldermen temir jol qatynasyn toqtatty
MÁSKEÝ. TASS-QazAqparat – Koronavırýs pandemııasyna baılanysty Reseı men ózge elder arasyndaǵy temir jol qatynasy toqtatyldy. Buǵan deıin jeksenbi kúni RTJ sońǵy halyqaralyq qatynastaǵy Belarýske baratyn poıyzdy toqtatty, buǵan deıin kompanııaǵa 20-dan astam sheteldik baǵytty jabýǵa týra kelgen, dep habarlaıdy QazAqparat TASS agenttigine silteme jasap.
Budan bólek RF qalalary men Kalınıngrad arasyndaǵy temir jol qatynasy ýaqytsha jabyldy. Onyń ishinde Kalınıngrad-Máskeý №30/29 poıyzdary, Kalınıngrad - Sankt-Peterbýrg №80/79 poıyzdary da bar.
Buǵan deıin Belarýs temir joly Mınsk - Máskeý №2/1 poıyzynyń, sondaı-aq №52/51 Brest/Mınsk - Sankt-Peterbýrg poıyzdarynyń qatynaýy ýaqytsha toqtaǵanyn habarlaǵan bolatyn.
Jańa koronavırýs tarala bastaǵannan beri RTJ 21 elmen poıyz qatynasyn toqtatty.
RTJ saıtynda toqtatylǵan baǵyttar týraly aqparat beretin bólim qurylǵan. Suranystyń tómendeýine baılanysty RF ishinde birqatar poıyzdardyń júrý jıiligi qysqartyldy.
