Reseı Ózbekstanǵa Qazaqstan arqyly eksporttaıtyn gazdyń kólemin 11 mlrd tekshe metrge deıin ulǵaıtpaqshy
ASTANA. KAZINFORM – Úkimet otyrysynda Energetıka mınıstri Erlan Aqkenjenov Qazaqstan aýmaǵy arqyly gaz tranzıtteý kólemi artatynyn aıtty.
- Eldiń tranzıttik áleýetin paıdalaný boıynsha jumystar júrgizilip jatyr. 2023 jyldyń qazan aıynda Reseı gazynyń Ózbekstan Respýblıkasyna tranzıti iske qosyldy. 2023 jyly 1,28 mlrd tekshe metr, 2024 jyly – 5,6 mlrd tekshe metr tasymaldandy. Bıyl 7,3 mlrd tekshe metrge deıin ulǵaıtý josparlanǵan. 2038 jylǵa qaraı bul kórsetkishti 11 mlrd tekshe metrge deıin ulǵaıtýdy kózdep otyrmyz, - dedi Erlan Aqkenjenov.
Al Túrikmenstan men Ózbekstan gazyn Qytaıǵa tasymaldaý kólemi byltyrǵy deńgeıde saqtalmaq.
- Aldymyzdaǵy jyly túrkimen jáne ózbek gazyn Qytaı Halyq Respýblıkasyna tasymaldaý jospary shamamen 36,2 mlrd tekshe metr bolmaq. Bul ótken jyldyń deńgeıine sáıkes keledi, - dedi mınıstr.
Eske salsaq, Prezıdent Qasym-Jomart Toqaev Jańaózen gaz óńdeý zaýyty qurylysynyń keshigýin Úkimettiń óreskel olqylyǵy retinde baǵalaǵan edi.