Reseı OSK-na zańbuzýshylyqtar týraly 6 myńnan astam shaǵym tústi
MÁSKEÝ. QazAqparat - Reseı Federatsııasynyń Ortalyq saılaý komıssııasyna zańbuzýshylyqtarǵa baılanysty 6 myńnan astam qońyraýlar men shaǵymdar túsken. Bul týraly RF Ortalyq saılaý komıssııasynyń basshysy Ella Pamfılova málim etti, dep habarlaıdy «QazAqparat» HAA-niń menshikti tilshisi.
«Búgingi tańǵa saılaý komıssııalarynyń kemshilikterine, saılaý protsesiniń buzylýyna baılanysty saılaýshylardan 6 myń 366 jazbasha shaǵym tústi»,-dedi Ortalyq saılaý komıssııasynyń basshysy.
Onyń sózinshe, OSK-ǵa túsken 200-ge jýyq shaǵymdar qaraý úshin RF Bas prokýratýrasyna joldanǵan.
«200-ge jýyq shaǵym Bas prokýratýraǵa joldandy, 40-tan astamy gýbernatorlarǵa jiberildi. 2-3-ýi tergeý komıtetinde»,-dedi E.Pamfılova shaǵymdardyń birqatary ishki ister mınıstrligine joldanǵanyn qosa aıtyp.
RF Ortalyq saılaý komıssııasy basshysynyń aıtýynsha, shaǵymdar keıbir shtabtarda baıqaýshylarǵa berilgen anyqtamalardyń alynyp qoıýymen baılanysty bolyp otyr. Alaıda bul problemalar jedel túrde sheshimin tapqan.
Sonymen qatar ol ákimshilik resýrstardyń qoldanylý múmkindigine baılanysty shaǵymdar túskendigin jetkize ketti.
«Qazirgi tańda olardyń sany - 795. Olar tekserilýde»,-dedi ol.
