Reseı Ortsaılaýkomy 15 elden hakerler shabýyldaǵanyn málimdedi
MÁSKEÝ. QazAqparat - RF Ortalyq saılaý komıssııasynyń hatshysy Maııa Grıshına RF OSK aqparattyq anyqtamalyq ortalyqqa kóptegen hakerlik shabýyldar jasalyp jatqanyn aıtty, dep habarlaıdy «QazAqparat» HAA tilshisi.
«Qazirdiń ózinde aqparattyq anyqtamalyq ortalyqqa túsip jatqan kúsh birneshe ese artty deýge bolady, olardyń arasynda hakerlik shabýyldardy anyqtap jatyrmyz», - deıdi M. Grıshına.
Komıssııa hatshysy Ortsaılaýkomnyń saıtyna 15 elden shabýyl tirkelgenin aıtty.
Budan tys, RF Ortalyq saılaý komıssııasynyń basshysy Ella Panfılovanyń sózine qaraǵanda, azamattar daýys berý tiziminen ózderiniń aty-jónin taba almaı jatqanyn aıtyp shaǵymdanýda. Olar turǵylyqty mekenjaılary boıynsha daýys berý týraly birneshe ret ótinish te jazyp úlgergen. Panfılova, sonymen qatar, birden artyq márte daýys berýge umtylǵan azamattar ákimshilik jáne qylmystyq jaýapqa tartylýy múmkin ekenin eskertti.
