Reseı ormanynda adasqan qazaqstandyq balalarymen dalada túnedi
ASTANA. QazAqparat - Reseıdiń Taǵanaı ormanynda 32 jastaǵy qazaqstandyq úsh balasymen adasyp ketken, dep habarlady u74.ru.
«Jumadan senbige qaraǵan túni Taǵanaı ulttyq saıabaq aýdanynda qazaqstandyq áıel úsh balasymen joǵalyp ketti», - delingen habarlamada. 22 shildede Taǵanaı ulttyq saıabaǵy boıynsha Qazaqstannan kelgen 9 adamnan turatyn týrıstik top saıahattaǵan. Bir sátte komandadaǵy 4 adam joǵalyp ketken.
TJM baspasóz qyzmetinde habarlaǵandaı, olardy izdeýge Zlatoýst qalasynyń qutqarýshylary tartyldy. Meteostansadan Taǵanaıǵa jetken top Krýglıtsa arqyly ótpekshi bolǵan - tanystary solaı keńes bergen. Tek demalys ýaqytynda 32 jastaǵy áıel 13, 14 jáne 9 jastaǵy balalarymen sál alǵa ozyp ketken, sosyn basqa jaqqa burylyp, kórinbeı ketti.
Kún qarańǵylanǵanda top 112 nómirine habarlasqan. Qutqarýshylar ony tańǵa jaqyn Krýglıtsa taýynyń mańynan tapty.
