Reseı Ońtústik Afrıka Respýblıkasynda ótetin fýtboldan álem chempıonatyna bara almaıtyn boldy
ASTANA. Qarashanyń 19-y. QazAqparat - Reseı quramasy sársenbi, qarashanyń 18-de ótken ekinshi kezdesýde Slovenııa komandasynan 0:1 esebimen jeńilip qaldy.
Oıyn Slovenııanyń Marıbor qalasyndaǵy «Lıýdskı vrt» stadıonynda ótti. Qol jetkizgen jeńisteriniń arqasynda alań ıeleri Ońtústik Afrıka Respýblıkasynda ótetin fýtboldan álem chempıonatyna joldama aldy, dep habarlaıdy «RIA «Novostı» agenttigi.
Kezdesýdiń jalǵyz golyn 44-shi mınýtta Slovenııa quramasynyń shabýylshysy Zlatko Dedıch saldy.
Aıta ketý kerek, 2002 jyly Slovenııa quramasy reseılikterdi álem chempıonatynyń aqtyq bólimine jibermegen bolatyn. Ol joly reseılikter syrt alańda slovenııalyqtardan 1:2 esebimen jeńilgen edi.
