Reseı: Nıjnıı Novgorodta úıden bólshektengen kishkene balalardyń deneleri tabyldy
ASTANA. QazAqparat - TASS agenttigi RF-nyń Tergeý komıtetine siltememen habarlaǵandaı, Nıjnıı Novgorod qalasynyń Nıjegorodskoı aýdanynda alty jasqa deıin úıelmeli-súıelmeli alty balasy bar otbasy turǵan úıden bólshektengen kishkene balalardyń denesi tabylǵan.
25 shildeden bastap balalar mektepke deıingi mekemege kelmeı qalǵan soń, onyń qyzmetkerleri bul týraly quqyq qorǵaý organdaryna habarlady. Mekenjaı ornyn tekserý kezinde, páter esigin eshkim ashpaǵan. Kórshiler bir kún buryn otbasy ıesiniń belgisiz baǵytta ketkenin aıtqan. TK aımaqtyq tergeý basqarmasynyń tergeýshileri men polıtsııa páterge terezeden kirip, balalardyń bólshektelgen denelerin tapqan.
Qazirgi ýaqytta oqıǵa ornynda tergeýshiler jumys istep jatyr.
"Otbasynyń anasy men ákesiniń júrgen jerin, sonyń ishinde qylmys jasalǵan balalardyń sanyn anyqtaýǵa baǵyttalǵan tergeý áreketteri men jedel-izdeý sharalarynyń kesheni júrgizilip otyr", - delingen habarlamada.
