Reseı musylmandary dinı basqarmasynyń tóraǵasy astanadaǵy Dinder sezine keledi
Qazaqstan Elshisi Ermek Kósherbaev Ravıl Gaınýtdınmen kezdesip, Qazaqstan men Reseı musylmandary dinı basqarmalary arasyndaǵy yntymaqtastyqtyń qazirgi deńgeıine qanaǵattanýshylyq bildirdi.
Kezdesý barysynda dintaný jáne rýhanı-aǵartýshylyq qyzmet salasynda kadrlar daıarlaýdyń mańyzdylyǵy aıtyldy. Sonymen qatar jas urpaqtyń quqyqtyq sanasynyń qalyptasýyna yqpal etetin ksenofobııa, ultshyldyq jáne ekstremızm kórinisteriniń taralýyna kedergi bolatyn dástúrli rýhanı-adamgershilik, mádenı-tarıhı qundylyqtar negizinde tárbıeleý máselelerine erekshe kóńil bólindi.
«Ravıl Gaınýtdın qyrkúıek aıynyń ortasynda Nur-Sultanda ótetin Álemdik jáne dástúrli dinder kóshbasshylarynyń VII sezine qatysatynyn rastap, forýmdy birde-bir ret ótkizip almaǵanyn eske saldy. Jıyrma jyldan beri uıymdastyrylyp kele jatqan sharany joǵary baǵalap, túrli konfessııa ókilderine qazirgi zamannyń jahandyq máselelerin talqylaýǵa jáne pikir almasýǵa múmkindik beretin alań qajet ekenin atap ótti. Onyń aıtýynsha, qazir, pandemııadan keıingi kezeńde saıası basshylyqqa qoǵamnyń qaı baǵytta damýy kerektigin aıta alatyn dinı kóshbasshylardyń róli birinshi orynda», - delingen QR Elshiligi habarlamasynda.
Foto: t.me/prkvrf
