Reseı «Musylmandardyń kúnásizdigi» fılmin ekstremıstik dep tanýy múmkin
ASTANA. 18 qyrkúıek. QazAqparat - «Musylmandardyń kúnásizdigi» fılmin Reseı ekstermıstik dep tanýy yqtımal.
Osyǵan oraı Reseı Bas prokýratýrasynyń baspasóz qyzmeti atalmysh fılmdi ekstremıstik sıpattaǵy fılm dep taný jóninde sotqa shaǵym túsirý týraly habarlama taratyp otyr. Bul týraly muslim.kz saıtynda jazady.
Naqtyraq aıtqanda, Reseıdegi vedomstvonyń resmı ókili Marına Grıdneva musylmandar narazylyǵyn týdyrǵan fılmniń ǵalamtorda paıda bolýyna baılanysty osyndaı sharaǵa baryp otyrǵanyn málimdegen. Onyń sózine qaraǵanda, provaıderler Reseıde bul fılmniń taratylmaıtynyn da aıtqan.
