Reseı munaıyn Qazaqstan arqyly Qytaıǵa tranzıtteý tarıfi qanshaǵa qymbattady

ASTANA. KAZINFORM – Energetıka mınıstrligi Reseı munaıyn Qazaqstan aýmaǵy arqyly tranzıtteý tarıfi qanshalyqty qymbattaǵanyn málim etti.

«TON-2 munaı qubyry (Reseıdiń Týımazy qalasynan Qazaqstannyń Pavlodar qalasyna deıin) boıynsha aıtsaq, buǵan deıin 1 tonna munaıdyń tranzıtine 799,45 teńge alynyp kelgen. ıAǵnı, marshrýttyń tarıfi dollar baǵamyn 440 teńge dep eseptegende, tonnasyna 1,82 dollar bolatyn. Taraptar kelissózder kezinde atalǵan ýchaskedegi tarıfti tonnasyna 2,1 dollar etip belgileý týraly kelisimge qol jetkizdi. Bul qazir qoldanylyp júrgen tarıften joǵary», - delingen mınıstrliktiń málimetinde. 

Sondaı-aq, vedomstvodaǵylar Qytaıǵa 2024-2033 jyldar aralyǵynda eksporttalatyn 100 mln tonna munaı tutastaı TON-2 marshrýty arqyly tasymaldanatynyn atap ótken.

«Marshrýt arqyly 10 jylda 100 mln tonna tasymaldanady. Munaı RF aýmaǵy arqyly da, TON-2 ýchaskesi boıynsha (uzyndyń 186 shaqyrym) QR aýmaǵyna kiredi. Odan keıin munaı qaıtadan Reseıdiń Omby qalasyna ótip, keri qaraı Pavlodarǵa jetip, Qazaqstan aýmaǵy arqyly Qytaıǵa jetkiziledi», - dep jazady mınıstrlik mamandary.