Reseı munaı óndirýshiler úshin benzın eksportyna salynǵan tyıymdy alyp tastady

ASTANA. KAZINFORM – 2024 jyldyń sońyna deıin engizilgen benzın eksportyna ýaqytsha tyıym salý 2025 jyldyń 31 qańtaryna deıin uzartyldy. Bul týraly RF Úkimetiniń baspasóz qyzmeti habarlady.

– Shekteý tikeleı munaı ónimderin óndirýshilerdiń jetkizilimine qoldanylmaıdy, – delingen habarlamada.

Mınıstrler kabınetinde habarlanǵandaı, sheshim ishki otyn naryǵyndaǵy turaqty jaǵdaıdy saqtaý, munaı óńdeý ekonomıkasyn qoldaý, avtokólik benzıniniń sur eksportyna qarsy is-qımyl maqsatynda qabyldandy.

Aıta keteıik, buǵan deıin Qazaqstan EAEO elderinen tys jerlerge benzın men dızel otynyn eksporttaýǵa tyıym salatynyn jazǵan edik.

Sonymen qatar, bıyl Qazaqstan Respýblıkasynda munaı-hımııa ónimderin óndirý 171,2%-ǵa ósken.