Reseı mıllıarderler sany boıynsha besinshi orynda
ASTANA. QazAqparat - Reseı dollarly mıllıarderler sany boıynsha álemde besinshi orynda. CNN Money qurǵan reıtıngi málimetteri osyndaı.
Reseıde 1 mlrd. nemese odan kóp qarjysy bar 108 adam turady. Olardyń baılyǵynyń jıyntyǵy 320 mlrd. dollardy quraıdy.
Reıtıngti ádettegideı AQSh bastap tur. Bul elde 515 aqshaly alpaýyttyń áleýeti 2 trln. dollar dep eseptelgen. Ekinshi oryndaǵy Qytaıda 384 mlrd. dollarmen 157 mıllıarder tirshilik keship jatyr. Al úshinshi orynda - Germanııa (148 mıllıarder, 432 mlrd. dollar).
