Reseı men Japonııa 22 maýsymda beıbitshilik jaıly ýaǵdalasady
ASTANA. QazAqparat - Japonııalyq SІM basshysy Fýmıo Kısıda Reseı men Japonııa arasyndaǵy beıbitshilik shartyn jasasý týraly kelissózder 22 maýsymda Tokıo qalasynda ótetinin habarlady, dep jazdy Ýtro.rý.
Kelissózderdi Reseı syrtqy ister mınıstriniń orynbasary Igor Morgýlov pen Japonııanyń Reseıdegi burynǵy elshisi, reseılik-japonııalyq kelissózder máseleleri boıynsha resmı ókil Tıkahıto Harada júrgizedi.
Beıbitshilik shartyn jasasý týraly kelissózderdiń SІM basshylarynyń orynbasarlary deńgeıindegi alǵashqy kezeńi 2014 jyly qańtarda ótti. Keıin ol ýkraınalyq daǵdarysqa baılanysty toqtatyldy. 2015 jyly qyrkúıekte Japonııa syrtqy ister mınıstri Fýmıo Kısıdanyń Reseıge sapary kezinde kelissózderdi qaıtadan jandandyrý týraly ýaǵdalasyp, keıin kelissózderdiń ekinshi kezeńi ótti.
Beıbitshilik resmı túrde ornatylǵannan keıin Japonııa 1855 jylǵy saýda jáne shekaralar týraly tarıhı Traktat talaptaryna sáıkes Itýrýp, Kýnashır, Shıkotan jáne Habomaı Kýrıl araldaryn alǵysy keledi. Bul beıbitshilik ornatý týraly kelissózderde Japonııa alǵa qoıǵan basty talap.
Reseı ońtústik Kýrıl araldaryna Ekinshi dúnıjúzilik soǵys qorytyndylarymen ıe bolǵan, sondyqtan ol talassyz Reseıdiki dep esepteıdi.
