Reseı men Ýkraınanyń ekinshi kelissózi búgin ótedi - BAQ

MÁSKEÝ. TASS-QazAqparat – Reseı men Ýkraına delegatsııalarynyń ekinshi kelissózi Brest oblysynyń aýmaǵynda ótedi. Bul týraly RF prezıdentiniń kómekshisi, reseılik delegatsııanyń basshysy Vladımır Medınskıı aıtty, dep habarlaıdy QazAqparat TASS agenttigine silteme jasap.

Medınskııdiń sózine qaraǵanda, kelissózder josparlanǵan jerde, Belarýstiń Brest oblysy aýmaǵynda Nur-Sultan ýaqytymen saǵat 18:00-de bastalmaq.

«Tańerteń kelissózderdiń ótetin jeri men ýaqytynyń aýysqany týraly aqparat tarady. Ol shyndyqqa janaspaıdy», - dedi ol.

Eske salsaq, buǵan deıin eki el arasynda kelissózdiń birinshi kezeńi ótti. Ýkraına prezıdenti Vladımır Zelenskıı Kıevtiń Máskeýmen ótken kelissózder ázirge nátıjesiz ekenin habarlady.