Reseı men Ýkraınanyń Abý-Dabıdegi kelissózinen keıin munaı baǵasy tómendedi
ALMATY. KAZINFORM — Beısenbi kúni tańerteń álemdik naryqta munaı baǵasy tómendep jatyr.
Oilprice.com málimetinshe, Brent markaly munaıdyń qańtar aıyndaǵy fıýchersteri barreline 92 dollar boldy. Bul aldyńǵy kórsetkishten 0,76 dollarǵa nemese 0,82%-ǵa tómen.
WTI markaly munaı fıýchersteri 0,68 dollarǵa nemese 0,79%-ǵa arzandap, barreline 85,85 dollar boldy.
Reseılik Urals markaly munaıdyń baǵasy da 0,80 dollarǵa nemese 1,10%-ǵa tómendep, barreline 72,16 dollarǵa jetti.
Munaı baǵasyna Taıaý Shyǵystaǵy qaqtyǵystardy, sondaı-aq Reseı men Ýkraına arasyndaǵy soǵysty toqtatý jónindegi kelissózder áser etip otyr.
11 qarasha, sársenbi kúni Abý-Dabıde Reseı, Ýkraına jáne AQSh arasyndaǵy eki kúndik úshjaqty kelissózder aıaqtaldy.
Kezdesýdiń basty praktıkalyq nátıjesi — tutqyndardy aýqymdy kólemde almasý týraly aldyn ala kelisimge qol jetkizý boldy.