Reseı men Ýkraına Jeńis kúnine oraı 8–9 mamyrǵa bitim jarııalady
ASTANA. KAZINFORM – Reseı 8 jáne 9 mamyr kúnderi Jeńis kúnin merekeleýge baılanysty bitim jarııalady. Sondaı-aq Ýkraına tarapy da 6 mamyr kúni túnde atysty toqtatatynyn málimdedi.
Reseı Qorǵanys mınıstrliginiń habarlaýynsha, mundaı sheshimdi RF Qarýly kúshteriniń Joǵarǵy bas qolbasshysy Vladımır Pýtın qabyldaǵan.
– Ýkraına tarapy da bizdiń úlgimizdi ustanady dep úmittenemiz, – dep atap ótti áskerı vedomstvo.
Sondaı-aq berilgen aqparatqa sáıkes, merekelik is-sharalardyń qaýipsizdigin qamtamasyz etý úshin barlyq qajetti sharalar qabyldanatyny da aıtylǵan.
Al Ýkraına prezıdenti Vladımır Zelenskıı 6 mamyrdan bastap bitim rejımi engiziletinin málimdedi. Bul týraly memleket basshysy óziniń Telegram arnasynda jazdy.
– Biz adam ómirin kez kelgen mereıtoıdy atap ótýden áldeqaıda qymbat dep sanaımyz. Osyǵan baılanysty 5 mamyrdan 6 mamyrǵa qaraǵan túngi saǵat 00:00-den bastap tynyshtyq rejımin jarııalaımyz, – dedi ol.
Onyń aıtýynsha, Kıev atysty toqtatý sharttaryna qatysty eshqandaı resmı usynys almaǵan.
Aıta keteıik, buǵan deıin Pýtın Trampqa Jeńis kúni qarsańynda kelisim jasaýǵa daıyn ekenin málimdedi.
Al oǵan deıin Zelenskıı Reseımen kelissózderdi Ázerbaıjanda ótkizýdi usyndy.
