Reseı men Ýkraına osy aptada beıbit kelisimge qol jetkizýi múmkin — Tramp

ASTANA. KAZINFORM — AQSh prezıdenti Donald Tramp jeksenbi kúni Reseı men Ýkraına bitimgershilik kelisimge «osy aptada» qol jetkize alatynyn aıtty, dep habarlaıdy Kazinform tilshisi.

— Osy aptada Reseı men Ýkraına kelisim jasaıdy dep úmittenemin. Osydan keıin eki el de Amerıka Qurama Shtattarymen úlken bızneske kirisedi, órkendep, baı bolady! — dep jazdy Donald Tramp Truth áleýmettik jelisinde.

Buǵan deıin Parıjde Ýkraına boıynsha kelissózder oń baǵasyn alǵany habarlanǵan bolatyn.

Frantsııa prezıdenti Emmanıýel Makron AQSh memlekettik hatshysy Marko Rýbıony Elıseı saraıynda qabyldady. Ýkraınalyq jáne eýropalyq sheneýnikter «prezıdent Donald Tramptyń Ýkraınadaǵy soǵysty múmkindiginshe tezirek toqtatý maqsatyn» jáne «múmkindiginshe tez arada tolyq atysty toqtatý qajettiligin» «ortaq qoldaıtyndaryn» atap ótti.

Sondaı-aq Ýkraına men AQSh mıneraldy resýrstarǵa qatysty kelisim týraly memorandýmǵa qol qoıdy. 24 sáýirde mıneraldy shıkizat týraly kelisimge qol qoıylady.