Reseı men Ýkraına arasyndaǵy kelissózder aıaqtaldy
«Aıaqtaldy», - dedi TASS agenttiniń derekkózi. Kezdesýge qatysýshylar jıyn qorytyndysy boıynsha BAQ-qa pikir beredi dep kútilýde.
Reseı delegatsııasyn RF prezıdentiniń kómekshisi Vladımır Medınskıı bastap keldi. Onyń quramynda qorǵanys jáne syrtqy ister mınıstrleriniń orynbasarlary Aleksandr Fomın men Andreı Rýdenko, Memlekettik dýmanyń Halyqaralyq ister jónindegi komıtetiniń basshysy Leonıd Slýtskıı bar.
Ýkraına tarapynda eldiń qorǵanys mınıstri Alekseı Reznıkov, Prezıdent keńsesi basshysynyń keńesshisi Mıhaıl Podolıak, «Slýga naroda» bıleýshi partııasy fraktsııasynyń basshysy Davıd Arahamııa, Donbastaǵy jaǵdaıdy retteý boıynsha baılanys tobynyń ýkraın delegatsııasy basshysynyń birinshi orynbasary Andreı Kostın, depýtat Rústem Ýmerov jáne syrtqy ister mınıstriniń orynbasary Nıkolaı Tochıtskıı bar.
Buǵan deıin V. Medınskıı Reseı delegatsııasy Ýkraına tarapymen kelisimderge qol jetkizý úshin qansha ýaqyt qajet bolsa, sonsha kelissóz júrgizýge daıyn ekenin aıtqan edi. Sondaı-aq, ol ótken túni kezdesýdiń birneshe ret aýysqanyn, onyń ornyn qaıta kelisip, nátıjesinde bastapqy nusqa –Ýkraına shekarasyna jaqyn Gomel oblysy qaldyrylǵanyn aıtty.
