Reseı men Túrkııa Sırııadaǵy qaqtyǵystardy boldyrmaý jáne ushý qaýipsizdigi jaıly kelisimge keldi
MÁSKEÝ. QazAqparat - Reseı Federatsııasynyń qorǵanys mıınstrligi men Túrkııa Respýblıkasy Qarýly kúshteriniń Bas shtaby Sırııa Arab Respýblıkasyndaǵy qaqtyǵystardy boldyrmaý jáne operatsııalar barysynda ushý qaýipsizdigin qamtamasyz etý jaıly memorandýmge qol qoıdy. Bul týraly Máskeýdegi «QazAqparat» HAA tilshisi Reseı Qorǵanys mıınstrligi saıtyna silteme jasap habarlaıdy.
Memorandýmǵa qol qoıý eki eldiń qorǵanys mekemeleriniń delegatsııalary arasyndaǵy Sırııadaǵy DAISh-ke qarsy kúrestegi reseı-túrik ózara árekettestigi máselelerine arnalǵan konsýltatsııa barysynda ótti.
Memorandým arqyly Reseı áýe-ǵarysh kúshteri men Túrkııa áskerı-áýe kúshteri avıatsııasynyń lańkesterdiń nysanyna soqqy berýdegi úılestirý mehanızmderi, sondaı-aq Sırııanyń áýe aýmaǵynda ushaqtar men qashyqtan basqarylatyn ushý apparattaryn tabýdaǵy qaqtyǵystardy boldyrmaý boıynsha taraptardyń is-áreket tártibi anyqtaldy.
