Reseı men Túrkııa shıelenisiniń shyǵyny qandaı bolmaq?
ASTANA. QazAqparat - Túrik áskerı áýe kúshteriniń seısenbi kúni reseılik bombalaýshy ushaqty atyp túsirýi Reseı men Túrkııa arasyndaǵy ekijaqty saýdany keńeıtý josparyn buzyp qana qoımaı, sonymen qatar ekonomıkalyq baılanystyń úzilýine sebep bolýy múmkin.
Týrıstik salaǵa qaýip tónip turǵany anyq - RF SІM men "Reseıtýrızm" reseılikterge Túrkııaǵa barýdan bas tartýdy usyndy, dep jazdy RBK.
Somasy jylyna $30 mlrd-ty quraıtyn ózara saýda men $2 mlrd-tan astam ózara jınaqtalǵan ınvestıtsııalar taǵdyry tarazyda tur. Túrkııa - Reseıdiń saýda kólemi boıynsha besinshi orynda turǵan seriktesi. RF-nyń syrtqy álemmen saýdasynyń 4,6% osy elge tıesili. Sondyqtan bul kórsetkish boıynsha Túrkııa Qytaı, Germanııa, Nıderlandy jáne Italııadan keıin besinshi bolyp tur. Degenmen bul kórsetkish Belarýs, Qazaqstan jáne Ýkraınadan (árbirin jeke alǵanda) asyp otyr.
Reseı men Túrkııa arasyndaǵy taýaraınalym 2014 jyly $31 mlrd, 2015 jyldyń 9 aıynda $18,1 mlrd. qurady. Qyzmetter saýdasyn eseptegende reseılik-túrik kórsetkishteri joǵary: mysaly, 2014 jyly qyzmet pen taýar aınalymy shamamen $44 mlrd qurady.
Qyrkúıekte Reseı sırııalyq sodyrlarǵa bomba tastaı bastady. Bul Túrkııanyń narazylyǵyn týdyrdy.
