Reseı men Polsha fanattary arasynda janjal boldy
ASTANA. 14 maýsym. QazAqparat - Varshavada Eýropa kýbogynyń Reseı men Polsha quramalarynyń matchy óter aldynda qaýipsizdik sharalarynyń kúsheıgenine qaramastan fýtbol fanattarynyń arasynda janjal boldy, dep habarlaıdy Azattyq.
Habarlarǵa qaraǵanda, janjal Varshavadaǵy Ulttyq stadıonnyń mańynda bes myńǵa tarta Reseı fanattary ulttyq mereke - Reseı kúni qurmetine ótkizgen marsh kezinde týyndaǵan. Birneshe adam jaralanyp, úsh adam qamaýǵa alynǵan.
Oıyn kezinde stadıonda 10 myńǵa tarta Reseı jankúıeri men 30 myńǵa jýyq Polsha jankúıerleri boldy. Qoǵamdyq tártipti saqtaýǵa 6 myń polıtseı tartyldy.
"A" tobyna kiretin eki komanda arasyndaǵy oıyn teń eseppen aıaqtaldy - 1:1. Buǵan deıin osy toptaǵy Chehııa quramasy Grekııany 2:1 esebimen utqan bolatyn. Endi top músheleri bir-bir matchtan ǵana oınaıdy. Kelesi kezeńge myqty eki komanda ǵana shyǵady. Qazir top quramynda upaı sany boıynsha Reseı quramasy alda tur. Odan keıin Chehııa quramasy keledi.
