Reseı men Qytaıdaǵy temeki shegýshiler ınsýltke jıi shaldyǵady
ASTANA. QazAqparat - Brıtandyq ǵalymdardyń zertteýine qaraǵanda, temeki tartý saldarynan ınsýltke kóbinese Reseı, Úndistan jáne Qytaı azamattary shaldyǵady.
Osy elderdegi shylymqumarlarda júrek aýrýlarynan ólim-jitim deńgeıi de edáýir joǵary eken. Bundaı tujyrym jasaýǵa 20 jyl aralyǵynda ótkizilgen 187 eldegi ólim-jitim statıstıkasynyń taldaýy múmkindik berdi.
Atap aıtqanda, 20 jyl ishinde Reseı, Qytaı jáne Úndistanda temeki tartýdan ólim-jitim artyp otyr. Al AQSh-ta kerisinshe shylymqumarlar arasynda ınsýltten ólim deńgeıi eki esege jýyq kórsetkishke qysqardy.
Aǵylshyndyq ǵalymdardyń málimetinshe, Dúnıejúzilik densaýlyq saqtaý uıymynyń konventsııasyn ustanǵan elderde júrek-qan tamyrlary jáne ózge de dertterdiń tómendeýiniń oń qarqyny baıqalǵan, dep jazady Rosbalt.
