Reseı men Qytaı ózderiniń reıtıngtik agenttigin qurmaq
ASTANA. QazAqparat - Reseı men Qytaı ózderiniń reıtıngtik agenttigin qurýǵa nıettenip otyr. Ol óziniń jumysyn birlesken ınvestıtsııalyq jobalardan bastamaıdy, dep habarlady reseılik qarjy mınıstri Anton Sılýanov.
Atalǵan agenttik búginde paıdalanylyp júrgen halyqaralyq agenttikterdiń úlgisinde qurylmaq.
«Biz agenttik baǵalaýlary saıasattan tys júrgizilgenin qalaımyz», - dep naqtylap ótti mınıstr.
Onyń sózine qaraǵanda, bastapqyda bul agenttik jobalardy, reseılik-qytaılyq yntymaqtastyq salasyndaǵy ınvestıtsııalardy baǵamdaýmen aınalyspaq. Sondaı-aq, bul baǵytta birqatar azııalyq elderdi tartý josparlanyp otyr. «Agenttiktiń bedeli kóterilgen saıyn, jańa deńgeıge shyǵyp, onyń qyzmetine ózge elder de júgine alar edi», - dedi Sılýanov Qytaıǵa sapary barysynda.
