Reseı men Qytaı gaz tasymaly boıynsha «ǵasyr kelisimshartyn» bekitti
ASTANA. QazAqparat - Reseılik alpaýyt «Gazprom» kompanııasy men Qytaıdyń ulttyq munaı-gaz korporatsııasy shyǵys baǵdar boıynsha QHR-ǵa Reseı gazyn jetkizý kelisimin bekitti.
«Gazprom» basshysy Alekseı Mıllerdiń sózine qaraǵanda, reseılik gazdy Qytaıǵa tasymaldaýdyń 30 jyldyq kelisimsharty 400 mlrd. AQSh dollaryna baǵalanyp otyr.
Mıller sonymen qatar Reseı men Qytaı paıdaly qazbalardy óndirýge qolaıly salyqtyq rejimdi usynýdy qarastyrǵanyn jetkizdi.
Alaıda «Gazprom» basshysy gaz boıynsha kelisimdegi naqty baǵany aıtqan joq. Osy oraıda ol gaz qunyn kommertsııalyq qupııa ekenin atap ótti.
RF pen QHR arasyndaǵy gaz boıynsha negizgi kelisimge 2009 jyly qol qoıylǵan bolatyn. Sol ýaqyttan beri taraptar onyń baǵasy jaıynda kelissózder júrgizip keldi, dep jazady VVS.
