Reseı men Qyrǵyzstan nómirimen júrgen kólikter ne sebepti tirkelmeıdi
NUR-SULTAN. QazAqparat – QR Іshki mınıstrligi ókilderi Armenııadan jetkizilgen kólikterdi tirkeýge qatysty túsinik berdi, dep habarlaıdy QazAqparat tilshisi.
Ortalyq kommýnıkatsııalar qyzmetindegi baspasóz máslıhatynda «ne sebepti tek Armanııadan ákelingen kólikter tirkelýi qajet? Bul talap Reseı, Belarýs, Qyrǵyzstan sekildi elderden jetkizilgen kólikterge nege qoıylmaıdy?» degen suraq qoıyldy.
Óz kezeginde QR Іshki ister mınıstriniń keńesshisi Nurdildá Oraz Armenııadan jetkizilgen kólikterdi tirkeý naýqany qarapaıym azamattardyń múddesine saı kelip turǵanyn atap ótti.
«Armenııadan kelgen kólikterdiń barlyǵy Qazaqstan azamattaryna tirkelgen. Al Qyrǵyzstan nemese Reseıden kelip jatqan kólikter sol elderdiń azamattaryna tirkelgen. ıAǵnı, osy jerde aıyrmashylyq bar», - dedi N. Oraz.
Sonymen qatar ol róli oń jaqta ornalasqan kólikterdi Qazaqstanda tirkeýge tyıym salynǵanyn eske saldy.
«Armenııalyq áriptesterden tıisti aqparat kelip tústi. Qazaqstan azamattaryna tirkelgen Armenııa kólikteri 22 myńǵa jetken. Biraq tirkeýge jatatyn kólik sany 14 myń boldy. Qazirgi kezde sonyń 11 myńǵa jýyǵy tirkeldi. Qalǵan 10 kún ishinde barlyǵy tirkeýden ótedi degen senimdemiz», - dedi mınıstrdiń keńesshisi.
