Reseı men Qazaqstan JOO-lary arasyndaǵy túlekter úshin báseke oqý oryndarynyń sapasyn arttyrady - A.Sárinjipov
ALMATY. QazAqparat -Reseı men Qazaqstan JOO-lary arasyndaǵy túlekter úshin báseke oqý oryndarynyń sapasyn arttyrady.
Bul týraly búgin Almatyda ótken brıfıng barysynda QR Bilim jáne ǵylym mınıstri Aslan Sárinjipov aıtty.
«Jyl saıyn birneshe túlek Reseıge oqýǵa attanady. Óıtkeni, Reseıde túlekterdiń sany jyl saıyn azaıyp keledi. Bul 90-jyldardaǵy demografııalyq ahýaldyń tómendep ketýimen baılanysty. Mundaı tapshylyqty JOO-lar qatty sezinýde. Sondyqtan, olar memlekettik qoldaýdy jeleý etip, bizdiń túlekterdi ózderine shaqyryp alýda. Bul turǵyda báseke UBT-dan ózge salada da bolady. Alaıda, biz bul báseke JOO-lardyń sapasynyń artýyna yqpal etedi dep senemiz», - dedi mınıstr.
Aslan Sárinjipovtiń aıtýynsha, túlekter sanynyń azaıýy Qazaqstanda da sezilýde.
« 2013 jyly 139 myń, al 2014 jyly 133 myń oqýshy mektep támamdady. UBT qatysýshylary sanynyń azaıýy 90-jyldardaǵy demografııalyq quldyraýmen tyǵyz baılanysty. Statıstıka agenttiginiń habarlaýynsha, bul úderis 3-5 jyldaı qaıtalanbaq», - dedi mınıstr.
Qazaqstannyń bas ustazynyń aıtýynsha, 2019-2020 jyldarda mektep bitirýshileriniń sany kóbeıetin bolady. Bul 2000 jyldardyń basynda týý kórsetkishiniń joǵary bolýymen tyǵyz baılanysty.
