Reseı men Qazaqstan ortaq áýe shabýylyna qarsy qorǵanys júıesin qurmaq
ASTANA. 22 qyrkúıek. QazAqparat - Reseı men Qazaqstan ortaq áýe shabýylyna qarsy qorǵanys (ÁShQQ) júıesin qurmaq. Bul jóninde Reseı Federatsııasynyń Qarýly kúshteri bas shtaby basshysynyń orynbasary, general-polkovnık Valerıı Gerasımov málimdedi, dep jazady «Vzglıad» gazeti.
«Mundaı ekijaqty aımaqtyq áýe shabýylyna qarsy qorǵanystyń ortaq júıesi Belarýspen jáne Armenııamen arada qurylǵan. Bolashaqta osyndaı ÁShQQ júıesin Qazaqstanmen arada qalyptastyramyz degen jospar bar», - dedi Gerasımov.
Basylymnyń habarlaýynsha, Qazaqstannyń ÁShQQ júıesi qazirgi ýaqytta TMD birikken ÁShQQ júıesine kiredi.
