Reseı men Qazaqstan birlesip túsirgen fılm Shanhaı kınofestıvalinde júlde aldy

ASTANA. KAZINFORM - Reseı men Qazaqstan birlesip túsirgen «Ul» anımatsııasy 27-nshi Shanhaı Halyqaralyq kınofestıvalinde «Úzdik anımatsııalyq qysqametrajdy fılm» júldesin jeńip aldy, dep habarlaıdy qytaılyq «Halyq gazeti».

Fılmniń sıýjeti - múgedekter arbasyna tańylǵan balasyn jalǵyz ózi tárbıelep otyrǵan ákeniń hıkaıasy týraly. Fılm Reseı men Qazaqstan yntymaqtastyǵy aıasynda jasalǵan.

Sondaı-aq, qyrǵyzstandyq «Qara. Qyzyl. Sary» fılmi bıylǵy «Altyn kýbok» syılyǵynyń «Úzdik fılm» júldesin enshilese, japondyq «Qumdaǵy jaz» ben qytaılyq «Uzaq tún de bitedi» fılmderi «Altyn kýbok» syılyǵy aıasynda qazylar alqasynyń bas júldesin ıelengen.

Aıta keteıik, dúnıejúzilik kıno óneriniń 130 jyldyǵy men Qytaı kınosynyń 120 jyldyǵymen tuspa-tus kelgen Qytaı kınosynyń týǵan jeri Shanhaı Haýńpý ózeniniń jaǵasynda álemniń túkpir-túkpirinen kelgen 100-den astam rejısserdi qarsy alǵan.

Shanhaı men onyń mańyndaǵy aımaqtaǵy 50-ge jýyq kınoteatrda 71 elden 400 fılm kórsetildi. Fılmder «Negizgi baıqaý», «Azııalyq jańadan kelgender», «Derekti fılm», «Anımatsııa» jáne «Qysqametrajdy fılm» atty bes nomınatsııa boıynsha «Altyn kýbok» júldesin sarapqa saldy.

Eske sala keteıik, buǵan deıin Dımash Qudaıbergen Shanhaı halyqaralyq kınofestıvaliniń jabylý saltanatynda óner kórsetkenin jazǵamyz.