Qazaqstan - Qytaı shekarasynda úshinshi ótkizý beketi ashylady
ASTANA. KAZINFORM – Kólik mınıstri Marat Qarabaev Reseı jáne Qazaqstan Premer-mınıstrleriniń kezdesýinen keıin BAQ ókilderine kólik-logıstıka salasyndaǵy ekijaqty jobalar týraly málimet berdi.
- Biz usynyp otyrǵan úlken joba – Qytaı Halyq Respýblıkasymen shekaradaǵy úshinshi jańa temirjol ótkizý beketi. Bul ótkizý beketi Baqty-Aıagóz temirjol tarmaǵyn salýǵa qosymsha múmkindik beredi. Bul tranzıttik baǵytqa arnalady. Osy tarmaqtyń arqasynda Qazaqstan aýmaǵy arqyly Qytaı men Reseı arasynda ótetin taýar tasymaly artady, - dedi mınıstr.
Sondaı-aq, ol aldaǵy ýaqytta Reseı men Qazaqstan shekaralarynda turǵan 12 ótkizý beketi jańǵyrtýdan ótetinin aıtty.
- Reseımen Qazaqstan shekarasyndaǵy ótkizý beketteri týraly atpaı kete almaımyn. Biz bıyl 6 ótkizý beketin jańǵyrtýdy bastaımyz. Bul olardyń ótkizý qabiletin 2 eseden astam arttyrýǵa múmkindik beredi. Bul turǵyda úılesimdi jumys týraly talqyladyq. ıAǵnı, bir jaqta ótkizý beketi jańǵyrtylyp jatqanda ekinshi jaqta da sondaı jumys júrip jatý kerek dep otyrmyz. Jańǵyrtý kezinde ol beketter jabylyp qalmaı, belgili bir formatta jumys istep turý kerek degen máseleni de pysyqtadyq, - dedi Kólik mınıstri.
Atalǵan kezdesýde Reseı Premer-mınıstri Mıhaıl Mıshýstın Qazaqstan Eýrazııadaǵy toǵyz joldyń torabyna aınalatynyn aıtqan bolatyn.